Muriqi merr pasaportën e Kosovës

Portieri i Manchester Cityt, Arijanet Muriqi ka marrë pasaportën e Kosovës

Arijanet Muriqi është padyshim portieri i së ardhmes për Kosovën në futboll. 19-vjeçari pjesë e klubit të Manchester Cityt është kërkuar nga ‘Dardanët’ dhe tashmë ai ka pranuar edhe pasaportën kosovare.

Muriqi ka lindur në Zvicër, ndërsa prejardhjen e ka nga Rozhaja e Malit të Zi, përcjell albinfo.ch.

Tani me marrjen e pasaportës kosovare ai pritet t’i bashkohet Kosovës për ndeshjet e nëntorit. Kosova do të jetë mysafire e Maltës dhe më pas e pret Azerbajxhanin në Prishtinë, ku do të vendoset se kush do të kualifikohet tutje.

Kosova është lidere e grupit të saj në Ligën e Kombeve me tetë pikë grumbulluara, derisa Azerbajxhani ndodhet në vendin e dytë me gjashtë sosh.

---