Asnjë incident me mjetet ujore gjatë sezonit turistik në Shqipëri

Sezoni turistik i këtij viti në Shqipëri përveç që solli numër të madh të turistëve është karakterizuar edhe më gjera tjera të mira.

Për herë të parë gjatë sezonit turistik 2018 nuk ka pasur asnjë incident me mjetet ujore në të gjithë vijën bregdetare.

Të dhënat i ka publikuar Ministria e Brendshme, ku ka bërëe prezantimin sigurisë gjatë sezonit turistik të këtij viti.

“Ka pasur shërbime shtesë në akset problematike, si dhe u forcua regjimi i kontrollit në qarkullimin rrugor. Për pasojë, 100 aksidente më pak dhe një ulje e ndjeshme e aksidenteve me pasoja kanë ndodhur këtë vit”,  thuhet në njoftimin e ministrisë së Brendshme.

Po ashtu, sipas tyre, gjatë këtij sezoni u forcua kontrolli në plazhe, sidomos në përdorimin e mjeteve ujore.