Basha thotë se fermerët po braktisen nga shteti

Kryetari i Partisë Demokratike, Lulzim Basha, në një takim që pati me fermerët e fshatit Kosmaç tha se fermerët janë braktisur nga shteti për sa i përket investimeve. Ai premtoi se nësë vijnë në pushtet do të investojnë 100 milion euro që vitin e parë të qeverisje. Në bashkëbisedim me banorët, Basha dëgjoi problematikat e banorëve të zonës në fshatin Kosmaç. Një banor i zonës shprehet se fshati Kosmaç përbëhet nga 2500 banorë që kultivojnë perime që i tregtojnë në Shkodër, Velipojë dhe Lezhë.

“Kushtet klimaterike të favorshme, terreni i favorshëm, kultura e punës e mirë, prodhimet të bollshme por ka dy probleme”, theksoi ndërkoh Basha. Po ashtu, Basha tha se kështu siç është gjendja vendi po shkon në greminë, Shqipëria nuk mund ta mbajë këtë zgjedhë që, sipas tij, i ka vënë qeveria.