Media zvicerane: Tifozët serbë e shajnë turpshëm, Shaqiri u jep përgjigje në fushë

Videoja e sharjes kundrejt Shaqirit, ndodhi gjatë ndeshjes mes Liverpulit dhe Yjve të Kuq të Beogradit, të cilët humbën 4:0 dhe protagonist ishte edhe 27 vjeçari nga Gjilani.

Një video që po qarkullon nëpër rrjetet sociale dhe botuar në disa media zvicerane, tregon sesi disa tifozë serbë ofendojnë dhe shajnë paturpësisht lojtarin më të njohur shqiptar Xherdan Shaqiri (27), njofton albinfo.ch. Kjo tregon se serbët akoma nuk kanë harruar dhimbjen shpimit në zemër të topit që përmbysi rezultatin mes Zvicrës dhe Serbisë  (2:1) gjatë Rusi 2018.

Videoja e sharjes kundrejt Shaqirit, ndodhi gjatë ndeshjes mes Liverpulit dhe Yjve të Kuq të Beogradit, të cilët humbën 4:0 dhe protagonist ishte edhe 27 vjeçari nga Gjilani.

Të shtunën Liverpuli do luajë kundër Arsenalit, ndërsa të martën do fluturojë në Beograd. Shaqiri do jetë pjesë e ekipit që do udhëtojë drejt Serbisë.

“Unë nuk gjunjëzohem. Por shkoj tërësisht normal atje, për të luajtur futboll. Nuk kam frikë nga askush,” tha Shaqiri i pamposhtur.

Mediat e njohur zvicerane “Blick” ironizoi tifozët serbë, duke komentuar, se kur ata flasin e ‘shajnë’, Shaqiri u jep ‘përgjigje në fushë’.

---