Çka blejnë më së shumti beqarët?

Gjatë 24 orëve, mijëra marka ofruan zbritje të mëdha për produktet e tyre

Apple ishte marka e telefonave që pati shitjet më të mëdha gjatë ditës së beqarëve në Kinë, duke tejkaluar rivalët kinezë në platformën Alibaba.

Kjo e fundit publikoi listën e produkteve në kategori të ndryshme që patën shitjet më të mëdha në platformën e gjigantit të tregtisë online.

Apple zuri vendin e parë në kategorinë e telefonave, por Alibaba nuk publikoi të dhëna të detajuara për njësitë e shitura.

Kompania amerikane e teknologjisë ishte një ndër 237 markat që kaluan 14.36 milionë dollarë në shitje gjatë ditës së Beqarëve.

Eventi vjetor i Alibaba, gjeneroi një vlerë rekord prej 30.8 miliardë dollarë të ardhura nga shitjet, që kalon të Premten e Zezë në SHBA. Gjatë 24 orëve, mijëra marka ofruan zbritje të mëdha për produktet e tyre, transmeton ‘Scan’.

Të dhënat nga firmat kineze nuk dhanë detaje në tipet e iPhone që u shitën. Huawei, prodhuesi më i madh në Kinë me pjesë tregu, ka kaluar Apple së fundmi duke u bërë i dyti më i madh në të gjithë botën, përcjell albinfo.ch.

Gjatë ditës së beqarëve në Kinë, Huawei ishte shitësi i dytë më i madh në platformat e Alibaba, ndjekur nga Xiaomi. Samsung, që ka pasur dobësi në tregun kinez prej kohësh, zuri vendin e tetë.

Apple është rimëkëmbur në tregun kinez gjatë tremujorëve të fundit, pas periudhave të vështira në ekonominë e dytë më të madhe në botë. Gjatë tremujorit të tretë, Apple pati rritje të të ardhurave me 16% në Kinë.

---