Vidhet kurora e famshme e dukeshës

Persona të panjohur kanë arritur të hyjnë në një shtëpi historike aristokratike angleze, ku kanë vjedhur bizhuteri me vlerë të madhe.

BBC raporton se një bandë e vogël ka arritur të depërtojë dhe të vjedhë kurorën e mbushur me diamant e të ashtuquajturës Tiara Portland.

Autorët arritën të thyenin xhamin e blinduar dhe të merrnin kurorën e famshme që përdorej nga Winifred, dukesha e Portlandit, në ceremoninë e kurorëzimit të mbretit Edward VII, i cili ia pasoi fronin britanik Mbretëreshës Viktoria në vitin 1902, përcjell albinfo.ch.

Policia në East Midlands beson se ata kanë gjetur makinën që u përdor nga grupi për të arritur objektivin, një Audi 5S, e braktisur dhe i djegur në Blidworth.