Sekuestrohen mbi 20 mijë euro false në Tiranë

Policia në Tiranë njofton se ka arrestuar një 37-vjeçar nga Kavaja, pasi në veturën e tij janë gjetur 20 500 euro të dyshuara se janë të falsifikuara, shkruan Albinfo.ch

“Paratë ishin me prerje 500 euro  dhe ndalimi i personit të identifikuar me inicialet G. Xh. u bë në rrugën “Sadik Petrela”, pas informacioneve të marra në rrugë operative. Gjatë kontrollit iu gjetën 20 500 euro të dyshuara se janë false, të cilat u sekuestruan në cilësinë e provës materiale bashkë me mjetin dhe dy aparate celular”, thuhet në njoftimin e policies.

Personi i arrestuar sipas Prokurorisë dyshohet për veprat penale “Falsifikim i monedhave” dhe “Riprodhimi pa të drejtë i veprës së tjetrit”.