Gjermania kritikon vendet të cilat kundërshtojnë paktin e OKB-së për refugjatët

Ministri i Jashtëm i Gjermanisë, Heiko Mas kritikon vendet që kanë shprehur kundërshtimin ndaj Paktit Global për Migrim të Sigurt dhe të Rregullt të OKB-së, i cili duhet të miratohet në konferencën e nivelit të lartë javën e ardhshme në Maroko, përcjell albinfo.ch.

Marrëveshja ofron udhëzime për rregullimin e migracionit dhe mbrojtjen e të drejtave të migrantëve. SHBA dhe Australia janë në mesin e vendeve që janë kundër paktit detyrues.

Mosmarrëveshja mbi migracionin ka prekur qeveritë evropiane, kujton DPA. Javën e kaluar, Ministri i Jashtëm sllovak, Miroslav Lajçak dha dorëheqjen pasi vendi i tij refuzoi marrëveshjen.

Hungaria, Austria, Italia, Bullgaria, Kroacia, Republika Çeke, Polonia dhe Zvicra e hodhën poshtë publikisht marrëveshjen.

Duke folur për gazetën “Der Spiegel”, Mas tha se vendimi i çdo vendi për të kundërshtuar Paktin “i ndihmon fushatës dezinformuese.”

Ai shtoi se Pakti “së pari siguron një kuadër ndërkombëtar për kontrollin, organizimin dhe rregullimin e migracionit”.

Përpjekja nga qeveria gjermane për të promovuar paktin në vend ka hasur vështirësi dhe Mas po përballet me akuzat se qeveria kishte informuar deputetët shumë vonë për marrëveshjen, e cila është drejtuar fushatën kundër tij, përfundon DPA.