Për herë të parë emërohet një grua drejtoreshë e ”Air France”

(KEYSTONE/Steffen Schmidt)

Anne Rigail u emërua sot drejtoreshë e përgjithshme e ‘’Air France’’, duke u bërë gruaja e parë që merr drejtimin e kompanisë ajrore franceze.

Deri tani ajo mbante postin e ndihmësdrejtoreshës së përgjithshme, e ngarkuar për kujdesin për klientin.

”Rigail do të marrë më 17 dhjetor detyrën e re”, saktësoi kompania në një komunikatë, shkruan atsh, përcjell albinfo.ch.

Anne Rigail, 49 vjeçe, do të ketë gjithashtu si detyrë për të ndërmarrë negociatat delikate për pagat me pilotët.

Emërimi i saj vjen disa ditë pas zgjedhjes së një stafi të ri në krye të ”SNPL Air France”, sindikata e parë e pilotëve brenda kompanisë.