Studentët i thonë Ramës se po ua vret shpresën

Kryeministri Edi Rama është braktisur nga pjesa më e madhe e studentëve, gjatë një takimi me ta në Universitetin e Vlorës. Fillimisht folën dy studentë që i treguan kryeministrit se ata nuk kërkojnë largimin e qeverisë së tij, por vetëm plotësimin e 8 kërkesave.

Sipas tyre, nëse nuk plotësohen kërkesat pas janarit, qeveria do ta ketë punën keq. Pasi kryeministri kërkoi t’u përgjigjej dy pyetjeve të para të bëra nga studentët, disa prej tyre nuk pranuan. Një pjesë  e madhe e tyre që ishin në korridoret e sallës ku mbahej takimi, vendosën të dilnin jashtë, shkruan albinfo.ch

Ata kanë dalë duke hedhur parulla kundër qeverisë dhe me thirrjet “E duam Shqipërinë si gjithë Evropa”, ndërsa Rama ironizoi me këtë, duke u shprehur se Evropa nuk është kështu. Ndërsa një student i tha Ramës: “Vijnë studentët këtu dhe ju i quani komunizmë, pse i quani komunizëm? Vërtet ai të vriste në bulevard, ju po na e vrisni shpresën. Më mirë të pastrosh haletë jashtë, shërbimi mjekësor dhe policor janë gati. Janë bërë radhët si në kohën e Enverit… Babai im mori kredi për të paguar tarifën e legalizimeve”.