Nis fluturimet “FlyBosna”

Aeroplani i ri “FlyBosna” bëri këtë mëngjes fluturimin e parë nga Sofja në Sarajevë, me një aeroplan të tipit “Airbus A319”, me 156 vende, raportojnë mediat vendore, përcjell albinfo.ch.

Kapiteni Amir Baraliç tha pas uljes në aeroportin e Sarajevës se fluturimi ishte shumë emocional.

«Fluturimi i parë ishte shumë emocional, sepse të gjithë na mirëpritën dhe të gjithë janë të lumtur», tha Baraliç.

Ai informoi se “FlyBosna” aktualisht ka 20 stjuardesa dhe stjuardesë, si dhe tetë pilotë.

«Ambiciet dhe planet tona janë shumë më përpara dhe shumë më lart se këta numra. Kemi kënaqësinë t’i kthejmë sa më shumë nga kuadrot tona që na u larguan», tha Baraliç.

Drejtori i “FlyBosna”, Chris Gabriel, tha se në 12-18 muajt e ardhshëm numri i fluturimeve në dhe nga Sarajeva duhet të rritet.

“FlyBosna” kërkon të bëhet një linjë ajrore e qëndrueshme me seli në Sarajevë, e cila lidh Bosnjën me destinacione të përzgjedhura ndërkombëtare me fluturime direkte. Fokusi ynë fillestar është Evropa: Londër, Paris, Frankfurt, Romë, Moskë… dhe fluturime sezonale për destinacione të tjera të zgjedhura në Lindjen e Mesme», tha drejtori Gabriel.