Vazhdon mbyllja e lokaleve të lojërave të fatit

Policia e Shqipërisë njofton se ka vazhduar operacionet në gjithë territorin në zbatim të planit të masave që po merren për evidentimin dhe ndëshkimin e atyre personave që vijojnë të ushtrojnë aktivitetin e kundërligjshëm të lojërave të fatit. 

Policia njofton se në 24 orët e fundit ka evidentuar dy raste në Tiranë dhe Burrel që nuk i kishin mbyllur lokalet. 

“2 shtetas janë proceduar penalisht për veprën penale “Organizimi i lotarive të palejuara” si dhe janë sekuestruar në cilësinë e provës materiale një njësi  kompjuterësh, dy televizorë dhe pajisje elektronike, të cilat përdoreshin për organizimin e lotarive të palejuara”, njofton policia.

Policia shprehet se kontrollet kundër aktivitetit të lojërave të fatit do të vijojnë. Policia e Shtetit fton qyetarët të denoncojë në numrin 112 ose përmes aplikacionit ‘Komisariati Dixhital’ çdo veprimtari të tillë të kundërligjshme.