Zelanda e Re: Ndalohet përdorimi i borisë në tunel

Shoferët në Zelandë të Re, të cilët përdorin tunelin e Malit Viktoria, më nuk do të guxojnë t’i bien borisë derisa kalojnë këtu. Ky vendim u soll pas lobimit të asamblistit Chris Calvi Freeman. “Asnjëherë s’do të mund t’ua ndalojmë të gjithëve. Por, së paku ia dolëm t’i bindim disa prej shoferëve të mos i bien borisë. Duhet të tentojmë ta heqim këtë shprehi, e cila ekziston tash e 80 vjet.

Njerëzit mendojnë se shprehitë e këqija nuk hiqen, por nuk besoj në këtë”, tha ai. Calvi-Freeman shtoi se boria që dëgjohej në tunel, ishte shumë e bezdisshme për këmbësorët dhe çiklistët, të cilët e ndajnë këtë hapësirë me ngasësit. Tradita e borisë filloi qysh në vitet ‘30 dhe ishte nderim për një vajzë të re, e cila ishte vrarë në afërsi, përcjell albinfo.ch

Në anën tjetër, vetë banorët ishin të ndarë sa i përket përdorimit të borisë, derisa disa pohojnë se tingulli i lidh njerëzit, të tjerët megjithatë janë kundër. Agjencia e Transportit e Zelandës së Re aktualisht është duke shqyrtuar nëse do të fusë në përdorim sinjalizimin e ri në tunel për t’i inkurajuar ngasësit e veturave të mos e përdorin borinë.