Koordinator për sigurimet shoqërore të shtetasve shqiptarë që jetojnë jashtë vendit

Kryeministri i Shqipërisë ka miratuar propozimin e ministrit të Shtetit për Diasporën, Pandeli Majko, për caktimin e koordinatorit që do të mbulojë procesin e negocimit të marrëdhënieve në fushën e sigurimeve të shtetasve shqiptarë që jetojnë jashtë Shqipërisë.

Ky koordinator do të jetë zv.ministri për Evropën dhe Punët e Jashtme, Etjen Xhafaj.  Lajmin e ka konfirmuar vetë ministri Majko.

“Detyra e koordinatorit shtetëror është ndjekja e procesit të inicimit, negociimit dhe finalizimit të marrëveshjeve shtetërore dypalëshe në fushën e sigurimeve shoqërore për shtetasit shqiptarë jashtë vendit”, ka shkruar Majko.