Thirrja e Ambasadës amerikane për kujdes gjatë protestave në Shqipëri

Ambasada Amerikane në Tiranë ka njoftuar shtetasit amerikanë në Shqipëri që të jenë vigjilentë, e nëse munden, të shmangin praninë e tyre në zonat e grumbullimit të turmave.

Ambasada njofton shtetasit amerikanë, e të tjerët që të bëjnë kujdes veçanërisht në pikat e grumbullimit të njoftuara paraprakisht nga organizatorët e protestës, por pa u kufizuar vetëm në to, si Bulevardi “Dëshmorët e Kombit”, pranë Kryeministrisë; zona e kryqëzimit të “Zogut të Zi”; Qyteti Studenti dhe zona përreth stadiumit “Selman Stërmasi”, përcjell albinfo.ch.

Ambasada u ka bërë thirrje të gjithë atyre që janë përfshirë në protestën e së shtunës, dhe të gjithë udhëheqësve politikë shqiptarë që të refuzojnë dhunën dhe të sigurohen që protestat të zhvillohen paqësisht dhe në mënyrë konstruktive. Protesta do të zhvillohet më 16 shkurt.