Jolie do përfshirjen e grave afgane në bisedimet paqësore

Aktorja e famshme dhe aktivistja për refugjatët, Angelina Jolie, ka bërë thirrje për përfshirje të grave në bisedimet paqësore për t’i dhënë fund konfliktit në Afganistan.

Në një adresim para ministrave dhe diplomatëve në Kombet e Bashkuara, Jolie tha se gratë afgane po rrezikojnë jetën e tyre, duke bërë thirrje që të drejtat e tyre të përfshihen në bisedimet që kanë nisur në fund të vitit 2018 mes zyrtarëve amerikanë dhe talibanë.

“Në Afganistan, shumë gra janë bërë bashkë, duke rrezikuar jetën, për të bërë thirrje që të drejtat e tyre dhe të fëmijëve të garantohen në bisedimet paqësore dhe deri më tani ato nuk janë lejuar të marrin pjesë në to”, tha Jolie.

Përkundër tërheqjes së presidentit Donald Trump nga disa agjenci të OKB-së, Jolie tha se SHBA-ja është pjesë e rëndësishme e komunitetit ndërkombëtar dhe se nuk mund të ketë paqe në Afganistan nëse vazhdon mosrespektimi i të drejtave të grave.