Aktivistët bllokojnë urën e Lozanës për çështjen klimatike

Foto ilustrim (Keystone)

Rreth 300 njerëz kanë penguar kalimin në një nga urat më të ngarkuara të Lozanës, shkruan swissinfo, transmeton në shqip albinfo.ch.

Aktivistët e lëzivjes “Extinction Rebellion” protestuan kundër shkatërrimit të mjedisit.

Përgjatë një ore, asnjë automjet nuk mund të kalonte përmes Grand Pont-it, teksa studentët dhe familjet me fëmijët u ulën në rrugë duke ngrënë sanduiçë.

Policia nuk ndërhyri, ani pse vendimi për protestë nuk ishte miratuar.

Ky aksion është organizuar nga “Extinction Rebellion”, një lëvizje e themeluar në Britani, e cila gjatë të mërkurës bllokoi disa pjesë të Londrës.

Po ashtu, të hënën, rreth 200 persona kishin bllokuar urën Chauderon në Lozanë, përcjell albinfo.ch.

Kjo lëvizje po kërkon që qeveria zvicerane të deklarojë gjendje të jashtëzakonshme për klimën dhe biodiversitetin. Po ashtu, nga kjo lëvizje kërkojnë që emetimet e gazërave serë të ulen në zero deri në vitin 2025.

Aksione të ngjashme janë mbajtur edhe në qytete tjera europiane, ndërkaq ky grup po planifikon një protestë për të shtunën në Lozanë.