Si u bë Luksemburgu shembull për shtetet tjera

Një vend i vogël, por është shembull për vendet e tjera. Luksemburgu do të bëhet shteti i parë me transport publik falas, ka legalizuar kanabisin, si dhe ka ngritur edhe pagën minimale.

Iniciativa e tyre është përshëndetur edhe nga vendet tjera. Ky ishte premtimi nga kryeministri i vendit, Xavier Bettel, derisa do të bëhet realitet në mars të vitit 2020, shkruan albinfo.ch.

Përjashtim do të bëjnë udhëtarët që duan klasën e parë të udhëtimit ose nëse shkon me tren në një nga vendet fqinje.

Luksemburgu do të bëhet vendi i parë në botë ku transporti publik do të jetë falas.

Shteti ka vetëm 2600 kilometra katrorë, derisa ka 600 mijë banorë. Por çdo ditë rreth 200,000 njerëz nga Gjermania, Franca dhe Belgjika fillojnë të punojnë në Luksemburg, përcjell tutje albinfo.ch.

Një biletë me një drejtim është në dispozicion për dy euro, në të gjithë vendin për një periudhë prej dy orësh. Kurse të rinjtë nën moshën 20-vjeçare dhe studentët mund të udhëtojnë me autobus dhe tren falas.