Presidenti i Shqipërisë: Të gjendet zgjidhje për krizën politike

Presidenti i Shqipërisë, Ilir Meta, njofton se ka intensifikuar përpjekjet për gjetjen e zgjidhjes së krizës politike që ka përfshirë vendin.

Në intervistën për RTV Ora, ai e ka cilësuar situatën tejet të rëndë dhe u ka bërë thirrje palëve që të heqin dorë nga pozitat e të fortit, transmeton albinfo.ch.

Për të mundësuar dialogun, Presidenti shprehet se takimet do të vazhdojnë me aktorë të tjerë politikë, përfshirë edhe kryeministrin Edi Rama.

Meta e sheh me shqetësim edhe mungesën e Gjykatës Kushtetuese që, sipas tij, problemet në gjyqësor nuk vijnë nga reforma në drejtësi, por nga mënyra e njëanshme jashtë dialogut politik.