Sela flet për shqiptarët në Maqedoni

Kryetari i subjektit Aleanca për Shqiptarët, Zijadin Sela, ka thënë se shqiptarëve në Maqedoni u thuhet se kanë shoqëri të përbashkët, por emrat e rrugëve tregojnë një realitet tjetër.

“Neve na thuhet që shoqërinë e kemi të përbashkët, por ne nuk i kemi emrat e rrugëve të përbashkët. Këtu në Strugë asnjë emër rruge nuk e kemi shqiptarë. Çfarë shoqërie kemi të përbashkët”, ka theksuar ai.

Duke folur për zgjedhjet presidenciale, ai ka thënë se e rëndësishme është që në to, përmes mbështetjes së kandidatit Blerim Reka është mesazhi që është përçuar.

“I rëndësishëm është mesazhi që e dhamë: vota shqiptare nuk guxon të rrjedhë në subjekte politike maqedonase, ajo duhet të shprehet për kandidatë dhe opsione shqiptare. Ndryshe rrezikojmë të na kthehet një politikëbërje që nuk ia kemi parë të mirën: vëllazërim-bashkimi”, ka thënë ai, në RTK, përcjell Albinfo.ch.