Trump pezullon tarifat ndaj Meksikës

Presidenti amerikan, Donald Trump, ka bërë të ditur se i ka pezulluar tarifat ndaj Meksikës, pas arritjes së një marrëveshje mbi imigracionin.

“Unë jam i lumtur t’ju informoj se Shtetet e Bashkuara kanë arritur një marrëveshje të nënshkruar me Meksikën”, ka shkruar Trump në Twitter.

“Tarifat e planifikuara nga Shtetet e Bashkuara për t’u vendosur ndaj Meksikës, janë pezulluar përfundimisht”, shkruan Alsat, përcjell Albinfo.ch.

“Meksika në anën tjetër ka rënë dakord që të marrë masa të forta për të frenuar rrjedhën e migrimit midis Meksikës dhe kufirit tonë jugor”.

“Kjo po bëhet për ta zvogëluar ose eliminuar masën e madhe të imigracionit ilegal që vjen nga Meksika në Shtetet e Bashkuara”.