BE-ja nuk arrin marrëveshje për pozitat kryesore të Bllokut

Një samit i 28 udhëheqësve të Bashkimit Evropian, ka përfunduar pa marrëveshje mbi atë se kush duhet t’i marrë përsipër pozitat kryesore të Bllokut.
Bisedimet, të mbajtura në Bruksel, vazhduan deri në orët e para të mëngjesit të së premtes, pa u finalizuar kandidatët, transmeton albinfo.ch.
Krerët, gjithashtu, po përpiqeshin të vendosnin se cilave çështje BE-ja duhet t’u japë përparësi gjatë pesë vjetëve të ardhshme.
Një samit i ri do të mbahet më 30 qershor, vetëm dy ditë përpara një takimi të rëndësishëm të Parlamentit Evropian.
Të gjitha vendet udhëheqëse të Bllokut po ndryshojnë qasjen këtë vit, pas zgjedhjeve në mbarë Evropën, të mbajtura në maj. Përndryshe, të emëruarit kërkojnë mbështetjen e së paku 21 nga gjithsej 28 udhëheqësit e BE-së dhe një shumicë në Parlamentin Evropian.