Afaristët e diasporës bashkohen në Prishtinë

Dhjetëra afaristë nga diaspora mblidhen në Prishtinë për të themeluar Unionin e Bisneseve të Diasporës

Më shumë se 50 biznese nga diaspora do të bashkohen të premten në Prishtinë në një forum të pëbashkët ku pritet të krijohet Unioni i Bizneseve të Diasporës. Në këtë forum tre ditor sa do të zagjas në Kosovë, do të marrin pjesë afaristët më të shquar nga diaspora shqiptare në Evropë dhe në Shtetet e Bashkuara të Amerikës.

Të pranishëm në hapjen e këtij forumi do të jenë edhe, ministri i Diasporës, Ibrahim Makolli, ministri i Tregtisë dhe Industrisë, Bernard Nikaj, kryetari i Komunës së Prishtinës, Shpend Ahmeti, drejtori i Doganave të Kosovës, Lulëzim Rafuna si dhe përfaqësues të organizatave ndërkombëtare dhe Ambasadve në Kosovë.

Po ashtu afarsitët nga diaspora do t’i vizitojnë edhe disa komuna të Kosovës si dhe do të takohen me kryetarët e komunave, përfshirë këtu edhe disa biznese. Ndërsa të dilën në mesditë pritet të themelohet Unioni i Bizneseve të Diasporës.