29 për qind të kosovarëve u refuzohet viza Shengen

Listës se shteteve që u refuzohen më se shumti vizat u prin Algjeria e pasuar nga Irani, ndërsa pas tyre në vendin e tretë në botë, radhitet Kosova

Qytetarët e Kosovës janë të vetmit në Evropë që nuk janë të përfshirë në procesin e liberalizim të vizave, ndërsa e zënën vendin e tretë në botë, për refuzim të vizave nga shtetet e Bashkimit Evropian. Sipas një raporti mijëra kosovarëve nuk u aprovohet kërkesa për vizën “shengen”.

Listës se shteteve që u refuzohen më se shumti vizat u prin Algjeria e pasuar nga Irani. Ndërsa sipas statistikave që japin mediet në Prishtinë, rreth 29 për qind të kosovarëve iu refuzohen kërkesat për udhëtim nëpër shtetet e Bashkimit Evropian.

Kjo shifër është prezantuar në seminarin dyditor për gazetarë me temën “Politika e përbashkët e vizave”, që është mbajtur nga mesi i qershorit në Bruksel, i organizuar nga Komisioni Evropian në bashkëpunim me Qendrën Evropiane të Gazetarisë (EJC).