Aksident i rëndë: Përplasen 7 vetura në autostradë

Shtatë automobilë janë përfshirë në këtë ndeshje, e cila, për fat rezultoi vetëm me pesë të lënduar lehtë

Një aksident  i rëndë zinxhiror ka ndodhur pasditen e të premtes në autostradën A1 në Kantonin e Cyrihut, gjegjësisht në segmentin në mes të Efretikonit dhe Winterthurit. Shtatë automobilë janë përfshirë në këtë ndeshje, e cila, për fat rezultoi vetëm me pesë të lënduar lehtë, shkruan srf.ch.

Një zëdhënës i Policisë Kantonale të Cyrihut e ka vërtetuar për mediet e tjera njoftimin që e kishte dhënë fillimisht 20minuten.ch, transmeton albinfo.ch.

Njëra nga makinat e përfshira në përplasje është përmbysur., thuhet në njoftim. Ende është e paqartë se si ka ndodhur ndeshja.

Sipas shërbimit të trafikut rrugor, Viasuisse, pas ndeshjes është  bllokuar autostrada dhe kjo do të shkaktonte një pritje deri një orë për automjetet e tjera, përcjell albinfo.ch. Komunikacioni në këtë segment është kufizuar vetëm në njërën korsi, ndërsa shmangia e kësaj rruge bëhet përmes rrugës kantonale.

---