Thyhet lavjerrësi gjigant në parkun e lojërave, 2 të vdekur, 27 të lënduar

Videoja tmerruese e tregon momentin kur në parkun Kankaria Amusement në Ahmedabad të Indisë lavjerrësi ndahet në dysh dhe përplaset me hekurat mbajtëse, përcjell albinfo.ch.

Nga ky aksident, 2 persona mbetën të vdekur dhe 27 të lënduar.

Zëdhënësi i policisë, Vijay Nehra, tha se “një hetim është urdhëruar. Policia, së bashku me ekipin e forenzikës arritën në vendin e ngjarjes dhe po i hetojnë arsyet e aksidentit”.

Ai shtoi se “29 persona janë dërguar në spital, dy prej të cilëve vdiqën, ndërsa 27 po vazhdojnë të trajtohen”, shkruan Mirror, transmeton Gazeta Express.