Humbin në kanionet e Gjipesë, policia ndihmon turistët gjermanë (VIDEO)

Tre turistë gjermanë kanë kërkuar ndihmë mbrëmjen e djeshme në zonën e Gjipesë, afër fshatit Vuno, përcjell albinfo.ch,

Turistët gjermanë, të cilët kanë qenë duke e eksploruar zonën, kanë lëshuar sinjalin SOS, pasi kishin humbur në kanionet e zonës së Gjipesë.

Menjëherë janë angazhuar forcat e Komisariatit të Himarës, të mbështetura nga FNSH-ja, e cila është instaluar në atë zonë, shkruan Top Channel.

Pas një kërkimi prej disa orësh, turistët gjermanë janë gjetur në kanionet e kësaj zone, në gjendje të mirë shëndetësore dhe kanë falënderuar Policinë e Shtetit.

Nuk është hera e parë që turistët e huaj, të cilët eksplorojnë zonat e thella të Vlorës, të humbin kontaktet dhe rrugën.