Maqedoni: Një migrant e ka humbur jetën, 13 janë lënduar

Katër nga të plagosurit janë gjendjen të rëndë shëndetësore

Si pasojë e një aksidenti që ka ndodhur në jug të Maqedonisë së Veriut, një migrant e ka humbur jetën dhe 13 të tjerë janë lënduar, përcjell albinfo.ch.

Katër nga të plagosurit janë në gjendje të rëndë dhe janë dërguar në spitalin shtetëror në Shkup.

Sipas të dhënave të policisë, aksidenti ka ndodhur kur automjeti me migrantë është përplasur me një mjet transportues që lëvizte në drejtim të njëjtë, ku pas përplasjesë është ndezur në flakë.

Migrantët janë nga Pakistani dhe Bangladeshi dhe janë të moshës 22 dhe 25-vjeçare, transmeton albinfo.ch.
Sipas policisë, ata dyshohet të kenë hyrë ilegalisht nga Greqia, ndërsa si destinacion të fundit kanë pasur ndonjërin nga shtetet e Bashkimit Evropian.

Vetëm në gjysmën e parë të këtij viti nga Greqia në Maqedoninë e Veriut kanë hyrë rreth 10 mijë migrantë ilegalë.
Policia gjithashtu ka arrestuar drejtuesit e mjetit nën dyshimin e kontrabandës me njerëz.

---