Ari shënon rekord

Rënia në tregun aziatik të aksioneve ka ngritur çmimin e arit në nivelin më të lartë në gjashtë vjetët e fundit, pasi investitorët kërkuan një strehë të sigurt për pasuritë e tyre.

Ari herët në mëngjes arriti në 1.550 dollarë, niveli më i lartë që nga prilli 2013 dhe 20 për qind më i lartë vetëm këtë vit, njoftojnë mediat e huaja, përcjell albinfo.ch.

Një rritje e tillë e arit ka rezultuar pas ashpërsimit të konfliktit tregtar mes Uashingtonit dhe Pekinit gjatë fundjavës, gjë që ka bërë që aksionet dhe çmimet e mallrave të rriten.

“Për shkak të sinjaleve të trazirave ekonomike, ne kemi parë që investitorët kanë zhvendosur pasurinë e tyre në asete  të sigurta si ari”, tha Madhavi Mehta, një analist në “Kotak Securities”, duke shtuar se optimizmi për arin zakonisht rritet me rritjen e pasigurisë për tregjet globale të kapitalit.