Zvicra numëron mbi 8 milionë e 500 mijë banorë

Pjesa që bëjnë të huajt në popullatën e vendit ka mbetur stabile. Ajo është 25.1%. Bëhet fjalë për 2 milionë e 148.300 persona që jetojnë këtu pa shtetësi zvicerane

Në fund të vitit 2018, siç tregojnë shifrat e publikuara nga Zyra Federale për Statistikë (BFS) në Zvicër kanë jetuar 8 milionë e e 544.500 banorë. Ky numër është për 0.7% më i madh në krahasim me atë të fundit të vitit 2017, kur kishte  8 milionë e 484.100 të huaj, thuhet në një komunikatë të BFS.

Kjo është rritja më e vogël e numrit të të huajve në Zvicër, e regjistruar në 10 vitet e fundit

Numri i banorëve ka shënuar një rritje në të gjitha kantonet përveç në atë të Neuchatelit dhe të Tiçinos, transmeton albinfo.ch. Rritjes i ka kontribuuar shtimi natyror i popullsisë (lindshmëria) dhe fluksi i migracionit nga bota.

Ndërkohë që emigrimi nga Zvicra jashtë saj ka shënuar një rritje prej 4.2%, trendi i migrimit të të huajve në Zvicër është më i ulët, për 0.5%, në krahasim me një vit më parë.

Numri i të lindurve në krahasim me atë të të  vdekurve ka qenë gjatë vitit 2018 për 1.7% më i madh se ai i një viti më parë

Pjesa që bëjnë të huajt në popullatën e vendit ka mbetur stabile. Ajo është 25.1%. Bëhet fjalë për 2 milionë e 148.300 persona që jetojnë këtu pa shtetësi zvicerane, përcjell albinfo.ch. Ndërkaq shtetet nga të cilat ka më shumë të huaj janë, ashtu sikurse edhe deri tash: Italia, Gjermania, Portugalia dhe Franca.

Shikuar sipas moshës, numri i personave të moshave  nga 0 deri 19 vjeçare mbetet më i madh se ai i atyre që kanë mbi 65 vjet.

Qytetet me më së shumti banorë janë: Cyrihu, Gjeneva, Bazeli, Lozana dhe Berna. Në këto 5 qytete, në fund të vitit 2015 kanë jetuar rreth 12% të popullatës së gjithëmbarshme të Zvicrës.

---