I gjen 7 mijë euro në rrugë dhe i kthen

Bëhet fjalë për një të moshuar, të cilit i kishte rënë zarf me paratë, e dërguara nga djali i tij nga Gjermania.

Një kroate, Jasna Vrhovac, i ka gjetur në rrugë 7 mijë euro dhe ka lajmëruar në Facebook për vendin dhe shumën ku i ka gjetur, duke kërkuar pronarin të shkojë t’i marrë, para të cilat kanë arritur në duart e duhura.

Bëhet fjalë për një të moshuar, të cilit i kishte rënë zarfi me paratë e dërguara nga djali i tij nga Gjermania, përcjell albinfo.ch.

Djali i kishte dërguar paratë për të shlyer kredinë bankare për një shtëpi që e kishin në hipotekë. Paratë ishin në zarf, në të cilin ishte shkruar vetëm “Për babain”.

Por Jasna e ka shpërndarë këtë në Facebook dhe më në fund është gjetur pronari.

---