​Merkel pro hapjes së negociatave, disa vende kanë rezerva

Kancelarja e Gjermanisë, Angela Merkel, deklaroi sot se nuk është arritur vendim unanim për hapjen e negociatave mes Bashkimin Evropian dhe Shqipërinë.

“Janë disa vende që kanë rezerva. Ne kemi diskutuar në lidhje me këtë. Patjetër që do të zhgënjehen, si kryeministri i Maqedonisë së Veriut dhe i Shqipërisë”, tha Merkel. “Unë e mbështes në një pikë presidentin Makron sa i përket procesit të zgjerimit që duhet reformuar”, u shpreh kancelarja.

“Kemi rënë dakord për disa gjëra që duhen bërë. Gjermania dëshiron që të hapen negociatat me Shqipërinë dhe Maqedoninë e Veriut. Maqedonia e Veriut ka bërë shumë sa i përket hapjes së negociatave deri tek ndryshimi i emrit.

Ka qenë progres i madh. Edhe Shqipëria ka bërë progres. Mendoj që Shqipëria ka bërë shumë progres, por nuk na ka bërë të marrim një vendim unanim sa i përket Shqipërisë”, tha ajo.