‘Votes & Voices’, ekspozita që tërhoqi vizitorë nga e gjithë bota

Këtë verë ekspozita ‘Votes&Voices’, të posterave të fushatave zvicerane që nga viti 1918 e deri më sot, ka tërhequr shumë vizitorë nga e gjithë bota.

Kjo ekspozitë është shfaqur në Muzeun e Artit Bashkëkohor në Shkup, përcjell albinfo.ch.

Sipas një postimi që e ka paraqitur Ambasada e Zvicrës në Maqedonin e Veriut, thuhet se vizitorët kanë ndarë përshtypjet e tyre në lidhje me ekspozitën, duke paraqitur kështu nevojat e problemet në vendet e tyre.

Përshtypjet e përgjithshme të ekspozitës ishin “wow, e mahnitshme, e shkëlqyeshme”, dhe temat më të propozuara të referendumit ishin: ndotja e ajrit, lajmet e rreme, arsimi, reforma zgjedhore, legalizimi i kanabisit dhe zgjidhja e problemit të qenve endacakë.

Postimin ambasada e përfundon duke i inkurajuar qytetarët që të kontribuojnë në debate publike për çështjet që i preukupojnë.