​Austri: Merr fund përjashtimi për cigaren

Merr fund më në fund edhe përjashtimi austriak.

Duhanpirësit nuk mund ta ndezin më një cigare në kafenetë dhe restorantet e vendit, që janë të detyruara të ndalojnë pirjen e duhanit nga sot, në bazë të ligjit antiduhan që u deshën vite të aplikohej.

Austria është një nga vendet e fundit evropiane që ndalon cigaren në ndërtesat e shërbimit të hotelerisë, ndërkohë që pothuajse një e katërta e popullsisë së vendit është konsumuese e duhanit, mbi mesataren evropiane (18%), përcjell albinfo.ch.

Në kuadër të hyrjes në fuqi të ligjit, në mesnatë, shumë lokale në Vjenë kanë organizuar “Mbrëmjen e cigares së fundit”.