Shkon në 6 numri i viktimave nga tërmeti

Ministria e Mbrojtjes e Shqipërisë konfirmon: Shkon në 6 numri i të vdekurve nga tërmeti: 1 në Kurbin, dy në Thumanë e 3 në Durrës.

Vijojnë operacionet e kërkim-shpëtimit në Thumanë dhe në Durres. Ato janë dy zonat më të goditura nga tërmeti, ku ka shembje të pallateve, shkruajnë mediat shqiptare, përcjell albinfo.ch.

Shqipëria tronditet nga disa tërmete të forta të njëpasnjëshme, me pasoja të rënda në jetë njerëzore dhe dëme materiale. Sipas Institutit të Gjeoshkencës, tërmeti i parë u regjistrua në orën 1:18 minuta pas mesnate, për t’u pasur edhe me 11 tërmete të tjera, ku ai i orës 03:54 ishte më i fortë me magnitudë 6.4 ballë.