Skuadra e specializuar e Zvicrës kërkon trupat në Shqipëri

Edhe Zvicra po e jep ndihmën e saj, duke kërkuar trupat pas tërmetit të fuqishëm në Shqipëri

Skuadra speciale dhe e veçantë prej 4 punëtorëve REDOG – Such- und Rettungshunde, që ka mbërritur nga Zvicra, i është bashkuar operacioneve të kërkim-shpëtimit në Durrës.

“Ekipet tona të qenve po punojnë së bashku me kolegët e organizatës turke të shpëtimit GEA për të gjetur njerëz të gjallë. Tani për tani ata janë në Durrës. Shtëpitë janë shkatërruar shumë. Bashkëpunim i mirë edhe me policinë dhe ushtrinë shqiptare”, thuhet në njoftim, përcjell albinfo.ch.

Edhe Zvicra është duke dhënë ndihmën e saj pas tërmetit të fuqishëm në Shqipëri, derisa kanë dërguar trupa speciale për të ndihmuar në këtë ngjarje të rëndë për shqiptarët dhe Shqipërinë.

Gjithashtu edhe shtete të tjera janë duke ndihmuar në forma të ndryshme Shqipërinë, kurse ndihma më e madhe po vjen nga Kosova.

 

---