Nesër bëhet varrimi i vëllezërve nga Gjilani

Dy persona nga Kosova kanë humbur jetën në tërmetin në Shqipëri

Isa dhe Shemsi Abazi të cilët ndërruan jetë pas një tërmeti në Shqipëri, do të varrosen nesër në orën 12:30 në varrezat e fshatit Livoçë i Epërm.

Nga fatkeqësia natyrore nga tërmeti në Shqipëri, humbën jetën mbi 30 qytetarë dhe mbetën të plagosur 650 të tjerë.

Lajmin për varrimin e dy vëllezërve e kanë bërë të ditur familjarë të tyre në rrjete sociale, shkruajnë mediat kosovare, përcjell albinfo.ch.

Kujtojmë që dy të ndjerët po qëndronin në Hotel Tropikal në Durrës, i cili u rrënua tërësisht nga tërmeti.

---