Shtypet nga pllaka e rëndë 2 tonë, vdes nxënësi 15-vjeçar i ndërtimtarisë

Pak pas orës 10.30, nga shkaqe deri tani të panjohura, i riu 15 vjeçar është goditur nga një element betoni i rëndë rreth dy tonelata

Në mëngjesin e sotëm (e enjte) në Dietikon të Kantonit të Cyrihut ka ndodhur një aksidnet i rëndë pune. Në një kantier ndërtimi ka humbur jetën një nxënës 15-vjeçar, i cili po ndiqte zanatin e ndërtimtarisë, njofton toponline.ch.

Pak pas orës 10.30, nga shkaqe deri tani të panjohura, i riu 15-vjeçar është goditur nga një element betoni i rëndë rreth dy tonelata, transmeton albinfo.ch. Punëtorët e pranishëm e kanë ngritur pllakën e betonit me vinç, por mjeku i ardhur në vendin e aksidentit ka arritur vetëm të konstatojë vdekjen e nxënësit, thuhet në një komunikatë të Policisë Kantonale të Cyrihut.

Sipas banorëve të zonës, ky nuk ishte aksidenti i parë që ka ndodhur kohëve të fundit në këtë kantier ndërtimi.

Policia do të hetojë rrjedhën e aksidentit në bashkëveprim me Prokurorinë Publike.

Krahas policisë, në vendin e ngjarjes kanë qenë edhe ekspertë nga instituti forensik i Cyrihut, Instituti për Mjekësinë Ligjore etj.

(Foto: screenshot BRK News)

---