Viktima e gjashtë nga tragjedia në Rramanli të Kumanovës

Në gjendje kritike mbeten 10-vjeçari me 75% djegie të trupit dhe 30-vjeçarja me 80% djegie

Shënohet viktima e gjashtë nga shpërthimi i bombolës së gazit në fshatin Rramanli të Kumanovës.

63-vjeçarja me djegie mbi 80% të sipërfaqes së trupit ndërroi jetë në orët e para të mëngjesit, konfirmojnë nga Urgjenca pranë Qendrës Klinike Universitare “Nënë Tereza” në Shkup, shkruajnë mediat shqiptare në Maqedoninë Veriore.

Në gjendje kritike mbeten 10-vjeçari me 75% djegie të trupit dhe 30-vjeçarja me 80% djegie, të cilët ndodhen në repartet intensive, si dhe një 50-vjeçar i hospitalizuar në repartin e kirurgjisë plastike, përcjell albinfo.ch.

Përmirësim të gjendjes shëndetësore ka pasur vetëm 28-vjeçarja shtatëzënë, të cilës i ka shpëtuar edhe foshnja. Nga shpërthimi i bombolës së palicencuar të gazit mëngjesin e së dielës, ndërruan jetë 3 fëmijë, një grua 36-vjeçare si dhe kryefamiljari, Shaip Alimi.

---