Sicili: Dënohen pjesëmarrësit e funeralit, shkelën rregullat

Rreth 50 njerëz në Sicili po përballen me ndëshkime të ashpra pasi nuk iu bindën rregullave të reja të vendosura të karantinës dhe mbajtën një funeral në mes të shpërthimit të koronavirusit

Ata po lëviznin nëpër rrugët e Porto Empedocle në bregdetin jugperëndimor të ishullit të martën kur policia e karabinierëve u njoftua nga një kalimtar, tha agjensia e lajmeve AGI.

48 pjesëmarrësit në funeral do të përballen me ndjekjen penale, përcjell albinfo.ch.

Çdo person që zbulohet se ka thyer rregullat e karantinës mund të gjobitet me 206 euro (234 dollarë) dhe madje të burgoset deri në tre muaj.

Italia të martën zbuloi masa të pashembullta të përmbajtjes sociale që synojnë të ndalojnë përhapjen e një sëmundje që ka vrarë 463 njerëz dhe ka infektuar më shumë se 9,000 në vend në pak më shumë se tre javë, përcjell tutje albinfo.ch.

Masat urgjente fillimisht ishin vendosur në rajonet më të goditura në veri, përfshirë Lombardinë, e cila ka parë numrin më të madh të rasteve dhe vdekjeve gjatë shpërthimit.

Siçilia është një nga zonat më pak të prekura të Italisë. Ishulli jugor deri më tani ka regjistruar vetëm 54 infeksione dhe asnjë vdekje për shkak të koronavirusit.

---