2 milionë lekë gjobë, kush nuk mbyll lokalet dhe restorantet

Ministrja e Shëndetësisë, Ogerta Manastirliu, ka dalë në një deklaratë për shtyp, ku ka njoftuar se masat e kërkuara nga qeveria nuk po zbatohen nga qytetarët.

Sipas saj, do të ketë gjoba për lokalet, baret, restorantet që nuk mbyllen si dhe gjobë për personat që nuk vetëkarantinohen nëse vijnë nga zonat e prekura nga koronavirusi, shkruajnë mediat shqiptare.

1-Mbylljen deri në një njoftim të dytë të të gjitha bareve, lokaleve, restoranteve në Tiranë dhe Durrës fillimisht.

2-Caktimin e një gjobe në masën 5 mijë euro për ata qytetarë që vijnë nga zonat e prekura dhe nuk zbatojnë urdhrin për vetëkarantimin e detyrueshëm të tyre dhe të të gjitha atyre qytetarëve që nuk zbatojnë vetëkarantinën e detyruar dhe që kanë rezultuar pozitiv.

3-Caktimin e një gjobë 2 mln lekë për baret dhe restorantet që nuk e zbatojnë vendimin për tu mbyllur deri në një moment të dytë.

4-Vendosjen e distancës së sigurisë mes punonjësve 1.5 m në të gjithë bizneset që nuk mbyllën për arsye të zinxhirit ekonomik.

5-Reduktimin në maksimum të personelit të call ceneter dhe garantimin e distanave të sigurisë dhe kushteve mbrojtëse të cdo punonjësi.

6-Kam vendosur që unë vetë komunikimet e përditshme të jenë në formë virtuale. Ne do të jemi të gatshëm të marrim pyetjet dhe tu përgjigjemi të gjitha pyetjeve.

---