Rreth 15 mijë persona të infektuar me koronavirus në Iran

Ministria e Shëndetësisë u bënë thirrje qytetarëve të qëndrojnë në shtëpitë e tyre, për të mos përhapur më tutje virusin.

853 persona kanë vdekur nga Covid-19 në Iran, ku 129 vdekje janë regjistruar në 24 orët e fundit.

 

Lajmin e ka bërë të ditur Ministria e Shëndetësisë dhe Presidenti:

“Në 24 orët e fundit janë konfirmuar 1.053 raste të reja me persona të infektuar nga koronavirus dhe 129 viktima. Zyrtarë të Ministrisë së Shëndetësisë u bëjnë thirrje qytetarëve të qëndrojnë në shtëpitë e tyre, për të mos përhapur më tutje këtë virus. Bazuar nga shifrat, ne kemi kaluar kulmin e shpërthimit, por u sugjeroj njerëzve të qëndrojnë në shtëpi dhe në rastet urgjente të respektojnë të gjitha protokollet shëndetësore”, është shprehur Presidenti Hassan Rouhani.

---