Gjysma e popullsisë së botës, në karantinë!

albinfo.ch

Gjysma e popullsisë së botës, ose më shumë se 3.9 miliardë njerëz i janë nënshtruar një karantine të detyrueshme ose të rekomanduar. Deri më tani, masat kufizuese janë aplikuar në më shumë se 90 vende, njoftoi France Presse, përcjell albinfo.ch.

Që nga prezantimi i një shtetrrethimi në Tajlandë, një vend me afro 70 milionë njerëz, është kapërcyer pragu zyrtar i 50 për qind të popullsisë në botë.

Në shumë vende, largimi nga shtëpia është i mundur vetëm për shkak të shkuarjes në punë, blerjes së gjësendeve elementare ose ndonje vizite mjekut apo ndonjë barantore.

Në 26 vende me mbi 500 milionë banorë janë futur në një shtetrrethim, pra ndalimi i lëvizjes gjatë ditës dhe natës.

Në disa vende, në karantinë janë futur vetëm qytete të caktuara, të tilla si Helsinki, Kinshasa, Meka apo Baku.

Sipas shifrave zyrtare nga Kombet e Bashkuara, ekzistojnë 7.8 miliardë njerëz në botë.