Maqedoni e Veriut: Edhe 28 raste të reja me Covid-19

Sot në Maqedoninë Veriore janë shënuar edhe 28 raste të reja të infektimit me pandeminë e koronavirusit.

Kjo shifër konsiderohet e ulët nëse merret në konsideratë numri i testeve që janë kryer – gjithsej 660.

Sipas Institutit të Shëndetit Publik, gjatë 24 orëve të fundit është regjistruar edhe një viktimë nga koronavirusi në Shkup.

Bëhet fjalë për një person të moshës mbi 65 vjeç, që kishte edhe probleme të tjera shëndetësore.

Numri i përgjithshëm i viktimave nga koronavirusi në Maqedoninë e Veriut është 56. Numri i të infektuarve ka arritur në 1,259, ndërsa mbi 200 është numri i të shëruarve.

Në gjithë Maqedoninë e Veriut janë kryer mbi 12 mijë teste, përcjell Albinfo.ch.