Shefi i OBSH-së: “Virusi do të jetë me ne për një kohë të gjatë”

Tedros Adhanom Ghebreyesus, shefi i Organizatës Botërore të Shëndetësisë ka thënë se organizata që drejton e ka paralajmëruar me kohë botën për koronavirusin e ri.

“Duke parë mbrapa, unë mendoj se ne e shpallëm urgjencën në kohën e duhur dhe kur bota kishte kohë të mjaftueshme për t’u përgjigjur,” tha ai.

Ai shtoi se OBSH-ja lëshoi paralajmërimin e saj kur nuk kishte vdekje dhe vetëm 82 raste të të infektuarve.

OBSH-ja është kritikuar për menaxhimin e situatës me pandeminë.

Shefi i OBSH-së, është përballur me disa thirrje për të dhënë dorëheqjen veçanërisht nga një numër i ligjvënësve amerikanë. Por, shumë qeveri e kanë vlerësuar organizatën, duke thënë se puna e saj në këtë kohë është thelbësore.

Duke folur për situatën aktuale me pandeminë, Ghebreyesus, tha se “shumica e vendeve janë ende në fazat e hershme të epidemive të tyre”.

“Virusi do të ishte me ne për një kohë të gjatë”, ka thënë ai, përcjell Albinfo.ch