Në Spanjë vazhdon rënia e numrit të viktimave nga koronavirusi

Keystone

Autoritetet spanjolle kanë raportuar edhe për 288 vdekje nga pandemia e koronavirusi.

Ky është numri më i ulët i vdekjeve që nga 20 marsi.

Një ditë më parë ishin raportuar 378 viktima.

Ministria e Shëndetësisë tha se numri i përgjithshëm i viktimave tani është 23.190.

“Megjithëse mund të jetë e vështirë të jepen këto statistika, është një shifër që tregon një drejtim të qartë, pozitiv në evolucionin e epidemisë”, tha zyrtari i lartë shëndetësor në Spanjë, Fernando Simon.

Të dielën Spanja lejoi fëmijët nën moshën 14 vjeç të dalin nga shtëpitë e tyre për herë të parë në gjashtë javë.

Rregullat e bllokimit i kishin ndaluar ata të dilnin nga shtëpia. Ata tani lejohen të qëndrojnë në ambiente të hapura për një orë në ditë, përcjell Albinfo.ch.