Zvicër: Nesër Qeveria vendos rreth hapjes së restoranteve

Në fazën fillestare do të të lejoheshin vetëm nga dy persona të ulen në një tryezë . Dy javë më vonë, numri do të rritet në katër...

Nesër, e mërkurë, Këshilli Federal do të vendosë për fazën tjetër të lehtësimit të masave mbrojtëse kundër koronavirusit. Ky duket do të jetë hapi më i madh i hapjes deri më tani – më i madh nga sa mendohej më parë, shkruan tages anzeiger.

Këshilli Federal mund të diskutojë pra nesër nëse restorantet dhe terracat mund të hapen më herët, transmeton albinfo.ch. Kështu që shijimi i një birre të freskët në terracat e birrarive ka mundësi të bëhet së shpejti realitet, megjithëse me kufizime të mëdha.

Sipas gazetës në fjalë, në fazën fillestare do të të lejoheshin vetëm nga dy persona të ulen në një tryezë . Dy javë më vonë, numri do të rritet në katër ndërsa më gjashtë qershor do të lejoheshin deri nga 8 veta. Ndërkaq baret dhe klubet tani për tani duhet të qëndrojnë të mbyllura.

Sipas informacioneve që ka BLICK, numri i personave të ulur rreth një tavoline mund të ndryshojë akoma. Sepse hapja e kafiterive është ende e diskutueshme, transmeton albinfo.ch. Kjo duket se do të shkaktojë debate të nxehta në mbledhjen e nesërme të Këshillit Federal dhe është e diskutueshme nëse Këshilli Federal në tërësi do ta aprovojë këtë propozim nga Ministri i Shëndetësisë Alain Berset.

---