SHBA miraton testin e antitrupave të Roche-s, tregon nëse keni pasur virus

Administrata e Ushqimit dhe Barnave e Sh.B.A. (FDA) ka dhënë miratimin e urgjencës për përdorimin e testit serologjik të zhvilluar nga gjigandi farmaceutik zviceran Roche, njoftoi kompania të dielën

Testi është krijuar për të përcaktuar nëse një person është ekspozuar ndaj koronavirusit të ri dhe ka zhvilluar antitrupa kundër sëmundjes.

Firma me bazë në Bazel thotë se testi i saj Elecsys Anti-SARS-CoV-2 ka një normë specifike prej 99.8% – gjë që ul mundësinë e pozitave false – dhe zbulon antitrupa me ndjeshmëri 100%, përcjell albinfo.ch.

Roche ka filluar dërgimin e provës së re në laboratorët në të gjithë botën dhe thotë se planifikon të rrisë prodhimin në “miliona shifra të larta në muaj” për të furnizuar vendet që pranojnë shenjën CE, si dhe SHBA.

Shkencëtarët në të gjithë botën janë në një garë për të zhvilluar teste serologjike, pasi rezultatet mund të ndihmojnë politikë-bërësit të kuptojnë më mirë sëmundjen, të përcaktojnë se kush mund të ketë pasur virusin dhe kush mund të ketë imunitet, dhe cilat masa mund të jenë ende të nevojshme për të luftuar pandeminë, përcjell tutje albinfo.ch.

---