Edhe Shqipëria lehtëson masat

Nga dita e hënë, në Shqipëri do të lejohen të hapen disa biznese, duke vazhduar me lehtësimin e masave

Kryeministri shqiptar, Edi Rama, në një komunikim LIVE në Facebook ka folur në lidhje me rritjen e rasteve në dy ditët e fundit, ku janë regjistruar nga 18 raste.

Rama u shpreh se përveç disa gjërave, gjithçka tjetër do të jetë e hapur, nga dita e hënë, shkruajnë mediat shqiptare, përcjell albinfo.ch.

“Nga e hëna, përveç transportit publik, aktiviteteve sportive dhe kulturore në mjedise të mbyllura, nuk do kemi asgjë tjetër të mbyllur.

Pra, hiq transportin publik, për të cilën do të flas edhe më pas, pse është një problem shumë i madh në këto kushte dhe pse me të drejtë shumë kush nga ju është i shqetësuar për mungesën e transportit publik, por duhet të jetë i vetëdijshëm se nuk e hapur transportin publik ende”, deklaroi Rama.

“Pra hiq transportin publik, baret dhe restorantet në mjedise të mbyllura, hiq palestra, qendra sportive, teatro, kinema dhe klube nate apo lokale lodrash për fëmijë të mbyllura, gjithçka tjetër do të jetë e hapur”, shtoi tutje kryeministri shqiptar.

---