Në Shqipëri shënohen 17 raste të reja me koronavirus

Në Shqipëri janë regjistruar 17 raste të reja me koronavirus në 24 orët e fundit.

Lajmi është bërë i ditur nga Ministria e Shëndetësisë, ku ka njoftuar se nga 933 të infektuar që nga fillimi i Covid-19 në vendin tonë 77% e tyre janë shëruar.

Tashmë në gjithë Shqipërinë janë 188 persona aktivë me Covid-19.

Rastet e reja janë të përqendruara në zonën Tiranë-Durrës, përkatësisht 8 në Tirane, 8 në Durrës dhe 1 në Krujë, kryesisht kontakte të rasteve pozitive të mëparshme, por edhe raste të reja për të cilat po kryhet hetimi epidemiologjik, përcjell Albinfo.ch.